Tever
AST
El Vínculu Dixital

Manifiestu

Una declaración d'independencia: la promesa de tratate como persona y non como datu. Esto ye lo que creo y, sobre too, lo que l'arquitectura d'esti sitiu fai cumplir.

Esti manifiestu ye'l principiu rector de tolos proyeutos de Xiringase, la iniciativa web-editorial-cultural de base asturiana que ta detrás d'esta web. labs.tever.es ye ún d'esos proyeutos, y por eso equí cada decisión téunica naz de les mesmes convicciones.

El testu del Manifiestu vive nun solu sitiu, el de Xiringase, pa que seya'l mesmu en tolos proyeutos: lleer el Manifiestu del Vínculu Dixital .

/§02 — Dende esti llaboratoriu

Lo qu'amiesto dende la investigación

La ciencia n'abiertu

Avánzase como individuos y como empreses; tamién como comunidá.

Trabayar n'abiertu nun ye enseñalo too nin regalar cada hora de trabayu: ye aportar el to granín d'arena a la comunidá de la que deprendes. Un métodu que funcionó, un datu qu'aforra tiempu a otru, un error documentáu pa que naide lu repita. El conocimientu crez cuando circula; por eso publico lo que faigo —incluyíos los caminos que nun llevaron a nengún sitiu— y comparto lo que pueda sirvir a quien venga dempués.

Tradición y teunoloxía

La tradición nun ye lo antiguo: ye lo qu'aguantó.

Cuando estudies de verdá una tradición, descubres que quien la llevantó foi la vanguardia del so tiempu: esperimentaron, fallaron y refinaron coles ferramientes que teníen a mano. La tradición ye conocimientu validáu por xeneraciones, non una pieza de vitrina. Usar la teunoloxía d'anguaño pa entendela y ampliala nun la traiciona: continúa exautamente lo que faíen. La gaita y el códigu son, pa min, dos formes del mesmu xestu.

Nun son promeses: ye arquitectura

Un manifiestu ensin práctica ye namás retórica. Por eso estos principios nun viven namás nesta páxina: tán escritos en cómo trato —o más bien, en cómo nun trato— los tos datos. Ensin analítica que t'identifique, ensin píxeles de siguimientu, ensin cookies de rastexu, ensin fingerprinting.

Si quies comprobar qué significa too esto en concreto, llei la política de privacidá y les condiciones d'usu de la web. Nun fai falta fe: tou pue comprobase.

Cómo cuido la to privacidá → Avisu llegal →

labs.tever.es ye un proyeutu de Xiringase, rexíu pol Vínculu Dixital. La privacidá nun ye una opción qu'activo: ye'l suelu sobre'l que ta construyíu too lo demás.