Investigación n'abiertu y trabayu téunicu. Lo qu'esploro, cómo lo faigo y qué va saliendo.
Equí documento los mios proyeutos téunicos y d'investigación: la entruga que persiguen, el métodu y les ferramientes, y lo que voi publicando. Trabayo dende la raíz —la gaita y la música tradicional asturiana— escontra lo que la teunoloxía dexa dicir que enantes nun se podía.
Estes son les mios llinies de trabayu: les que sigo abiertes y les que yá zarré. De cada una cuento qué ye, cuándo la trabayé y en qué quedó.
Investigación doctoral en cursu sobre AMT (Automatic Music Transcription): cómo pasar d'una grabación onde sonan varies notes al mesmu tiempu a una partitura que una máquina pueda lleer. El corpus de trabayu ye pianu, colos sistemes del estáu del arte como puntu de partida.
Taller de lutería con impresión 3D qu'esploró cómo facer instrumentos de música tradicional con ferramientes accesibles. D'ehí salió XIBLA, una frauta impresa en 3D pa entamar na música tradicional asturiana ensin la barrera del coste.
Proyeutu final de carrera en Inxeniería Informática: primer trabayu personal d'informática musical. Construyí un sistema que permitía tocar la gaita asturiana xunto a un videoxuegu de ritmu, convirtiendo'l punteru nun controlador MIDI y esplorando la intersección ente aprendizaxe instrumental y mecániques de xuegu.
Diez años dempués del PFC, Gaita Hero volvió como un videoxuegu xugable y al mesmu tiempu como una canción. La mesma idea de raíz —aprender a tocar xunto a un xuegu de ritmu— convirtióse nuna pieza que funciona en dos planos: como esperiencia interactiva y como tema musical con identidá propia.
